La pedagogía waodani de ayer y hoy en la U.E.I.B “Nongi Togodo” de la Comunidad de Keweidi-ono

Abstract

Mani adoke bain yewemoin impa“waodani dobe yede tono ñowo nani minkayonta ayomo beye” doobe yede nani ponente, kete tedete nanikabo kewinino beye impa, wempoidi, edenenani we wiñenani nani minkayonta ayomo “Nongi Togodo”Cantón Tena, Provincia Pastaza gameno, (2013 wadepo iñede).Mani doobe yede Waodani nani kewente, ate eñente kewengaimamo beye ponente yewemontamonanpa. Tome inkete mami mona nana, yewemoñede yekene tomanani tono yewemontamonanpa, wempodani, pikenani, wamiñate kedani (sabios), Keweidi-ono mami yewemonte ate nani kiweñomo ebano kete godo kemo ate wa kiwinginani ante ketamonapa. Mani yede yekene yewemontamonapa minkayinta adani, ne odomonani tono wempoiidi inanite, nani ate kiwiñomo. Kino main kete ponete kewenani ante nani kiwiñomo. Weenenani kewengaimamo tono ñowodani gameno wado impa, kinante amona ante ponimini, dodani yekene yewemonamain, ononekake tedete eñente kete kewengadanimpa, ñowodani yekene doobe eñente, tedete, kete, yewemonani inanipa. Manomain beye monato kete yewemomonapa ate, nani dodani kewengaino aye pedani eñente bate kewenkedanimpa ante, manomain kete minkayonta adani inanite, godo kete adomomoni ate eñente kiwinginani ante ponente monato memeidi nani kewengaiino eñente kiwinginani ante beye kemonapa. Manomain kete yewemona ate wadepo bayonte aye pedani waodani, wiñenani nanikabo bate eñente edemon adomonte kewenkedanimpa, tomenani tededo tono nani doodbe yede nani kewengaimamo Waodani NAWE.Anobain amonapa, mani mona yewemo yekene, wabano ne odomonan inte bain, nawanga kete godo odomonginani minkayonta adani inanite amonapa, wadepo bayonte nano awene kii yewemoi, imain ate kete kiwinginani ante amonanpa, mani waiwoke imeka yewemonte ii ante tomanani watepe yewemonte kekinani minkayonta nani meneya tededo gameno ate kiwingi beye.